Fransiyaning hayvonlar huquqlarini himoya qilish bo‘yicha eng yirik tashkiloti  La Fondation 30 Millions d’Amis (“30 million do‘stlar jamg‘armasi”) advokatlari futbolchining mushugini urgan videosi fonida sudga murojaat qilishdi.

“Biz bu jirkanch harakatni qoralaymiz, futbolchini Fransiya terma jamoasidan chetlashtirishni so‘radik va unga qarshi da’vo arizasi berdik”, dedi tashkilot vakili.

2021 yilda Fransiyada hayvonlarni himoya qilish bo‘yicha yangi qonun qabul qilindi. Demak, Zuma mushukka nisbatan shafqatsiz munosabatda bo‘lgani uchun 4 yilgacha qamoq jazosi va taxminan 60 ming yevro miqdorida jarimaga tortilishi mumkin.

Fransiya qonunchiligiga ko‘ra, mamlakat fuqarosi xorijda sodir etgan jinoyati uchun jinoiy javobgarlikka tortilishi mumkin.