7 апрель куни Олий Лига-2012 3-тур ўйинлари старт олди.
Бунгача Ғузорнинг «Шўртан» ҳамда Қаршининг «Насаф» жамоаларига имкониятни бой берган «Локомотив», мавсум бошидаёқ муаммо-ю жанжаллар гирдобига кириб қолган «Навбаҳор» уйига сафар қилиб, 2:0 ҳисобида ғалаба қозонди. Учрашувда ҳисобни Ўзбекистон миллий терма жамоасига номзод футболчи – Дилшод Раҳматуллаев очган бўлса, ўйин якунланишига беш дақиқа қолганида темирйўлчиларнинг легионер футболчиси – Муҳаммад Бинди Мустафо ўз номини таблога ёздириб қўйди. Таъкидлаш жоиз, Муҳаммад Бинди Мустафо Ўзбекистон чемпионатлари тарихида гол урган илк франциялик футболчи бўлди.
«Бухоро» – «Машъал» учрашувида кучлар тенг келди. Бухоролик футболчилар биринчи бўлиб ҳисобни очишганига қарамай, ғалабали ҳисобни ўйин якунига қадар сақлаб қола олишмади. «Металлург» – «Қизилқум» баҳсида эса ўйин тақдирини 3-дақиқадаёқ киритилган гол ҳал қилди. Шуҳрат Йўлдошевнинг тўп узатишидан сўнг қулай вазиятга чиққан Дилмурод Каримов тўпни Эркин Жабборов дарвозасига тўғрилаб қўйди. Учрашув «Stadion.uz»да онлайн-трансляция қилинди.
Турнинг қолган учрашувлари 8 ва 9 апрель кунлари бўлиб ўтади. Турнинг марказий учрашуви 9 апрель куни Тошкентдаги «Жар» стадионида бўлиб ўтиши кутилмоқда. Март ойи якунларига кўра Ўзбекистоннинг энг мураббийлари деб топилган мутахассислар – Миржалол Қосимов ва Игорь Криушенко қўл остидаги жамоалар – «Бунёдкор» ва «Шўртан» ўртасидаги баҳс футбол мухислари учун қизиқ бўлиши аниқ.
Олий лига-2012, 3-тур
7 апрель, шанба
«НАВБАҲОР» – «ЛОКОМОТИВ» 0:2 (0:1)
Голлар: Дилшод Раҳматуллаев (37), Мустафо Бинди Муҳаммад (85).
«МЕТАЛЛУРГ» – «ҚИЗИЛҚУМ» 1:0 (1:0)
Гол: Дилмурод Каримов (3).
«БУХОРО» – «МАШЪАЛ» 1:1 (1:0)
Голлар: Михиал Какаладзе (30) — Самандар Шодмонов (71).
8 апрель, якшанба
«Олмалиқ» – «Андижон»
«Динамо» – «Пахтакор»
9 апрель, душанба
«Бунёдкор» – «Шўртан»
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Шўртан | 2 | 2 | 0 | 0 | 6-1 | 6 |
| 2 | Насаф | 2 | 2 | 0 | 0 | 3-0 | 6 |
| 3 | Бунёдкор | 2 | 1 | 1 | 0 | 3-2 | 4 |
| 4 | Нефтчи | 2 | 1 | 1 | 0 | 1-0 | 4 |
| 5 | Пахтакор | 2 | 1 | 1 | 0 | 1-0 | 4 |
| 6 | Бухоро | 3 | 1 | 1 | 1 | 3-3 | 4 |
| 7 | Машъал | 3 | 1 | 1 | 1 | 3-3 | 4 |
| 8 | Металлург | 3 | 1 | 1 | 1 | 3-3 | 4 |
| 9 | Локомотив | 3 | 1 | 0 | 2 | 3-3 | 3 |
| 10 | Олмалиқ | 2 | 0 | 2 | 0 | 0-0 | 2 |
| 11 | Қизилқум | 3 | 0 | 2 | 1 | 2-3 | 2 |
| 12 | Андижон | 2 | 0 | 1 | 1 | 2-3 | 1 |
| 13 | Навбаҳор | 3 | 0 | 1 | 2 | 0-6 | 1 |
| 14 | Динамо | 2 | 0 | 0 | 2 | 0-3 | 0 |
