Бугун, 12 февраль соат 20:15 да Испания чемпионати 24-туридан ўрин олган "Вильярреал" — "Реал Мадрид" учрашуви старт олади.

Бир неча дақиқа аввал ўйин учун мадридликларнинг асосий таркиби эълон қилинди. Ундан бразилиялик қанот вингери Винисиус Жуниор ҳам ўрин олган.

Эътиборлиси, ушбу ўйин бразилиялик иқтидорли футболчи учун "қироллик клуби" сафидаги 150-учрашув бўлиб тарихга киради.

Қайд этиш жоиз, 21 ёшли Винисиус жорий мавсум барча турнирларда 31 ўйинда майдонга тушиб, 15 та гол ва 10 та голли узатмани ҳисобига ёздириб қўйган.