Маттиас де Лигтнинг келажаги ҳамон номаълум. "Ювентус" голландиялик ҳимоячи билан шартномани узайтирмоқчи, аммо музокаралар ҳали бошланмаган. Агент Мино Райоланинг сўзларига қараганда, янги битим имзолаш осон бўлмайди.
Агар де Лигт "Ювентус" билан шартномасини узайтирмаса, клуб футболчини трансфер бозорида сотишга мажбур бўлади, деб ёзади CalcioMercato. Футболчини қўлга киритиш учун давогарлар "Челси" ва "Барселона". Норасмий маълумотларга кўра, ушбу клублар де Лигтга 75 миллион евролик таклиф жўнатган. Бу унинг шартномасида кўрсатилган товон пули миқдори.
22 ёшли Маттиас де Лигт жорий мавсум “Ювентус” сафида 25 та ўйин ўтказиб, битта гол урган.
