Тошкент вилоятидаги “Металлург” стадионида кечган учрашувда “Олмалиқ” “Андижон”дан устун келди. Голларга бой тарзда кечган учрашув Шквирин шогирдларининг 3:2 ҳисобидаги ғалабаси билан тугади.
Аввалига олмалиқлар кетма-кет иккита гол киритиб жамоасини ҳисобда олдинга олиб чиқишганди. Зоттев ва Станоевичларнинг голлари жамоага ишончли ғалабани туҳфа этаётганди, бироқ Владимир Шишелов икки дақиқа ичида иккита тўп киритиб, орадаги фарқни йўққа чиқарди.
Бироқ шу куни ғалаба қозониш барибир мезбонларга насиб этган экан. Достон Абдураҳмонов 77-дақиқада жамоасининг учинчи тўпини киритиб муҳим бўлган уч очкони жамоасига олиб берди.
«ОЛМАЛИҚ» – «АНДИЖОН» 3:2 (2:0)
Голлар: Олег Зотеев (6), Дарко Станоевич (37), Достон Абдураҳмонов (77) – Владимир Шишелов (69 пен, 71).
ОЛМАЛИҚ: Павел Харчик, Азамат Исроилов, Евгений Гоголь, Дарко Станоевич, Баҳром Йўлдошев, Олег Зотеев, Достон Абдураҳмонов, Санжар Шоаҳмедов, Зоҳир Пиримов, Александр Востриков (Артем Никитенко, 81), Зафар Холмуродов (Александр Лупашко, 66).
АНДИЖОН: Александр Петухов, Тадас Гражюнас, Азамат Исаев (Ильдар Маматказин, 76), Азиз Жўраев, Икром Иброҳимов, Акбар Хўжаев (Ислом Аҳмедов, 61), Баҳром Абдураҳимов, Адҳам Нормуҳаммедов (Фарход Тоҳиров, 31), Иброҳим Отахонов, Акмал Жўрабоев, Владимир Шишелов.
Ҳакамлар: Р. Эрматов, А. Расулов, Ж. Саидов, А. Асимов (барчаси – Тошкент).