Франция терма жамоаси собиқ ярим ҳимоячиси Эммануэль Пети «ПСЖ» ҳужумчилари Килиане Мбаппе ва Лионель Мессилар ҳақида фикр билдирди.

«Бугун «ПСЖ» қироли – бу Килиан Мбаппе. Нима учун Лионель Месси доим Мбаппега ўйнашга ҳаракат қилмаётганини тушунмаяпман. Неймар майдонга тушганида ҳаммаси шу даражада аниқ эдики, Месси уни тинмай излаб, у билан комбинация ўйнашга ҳаракат қилди.

Месси 15 йилдан бери юқори поғонада турди, аммо Мбаппе – янги қирол. Агар Месси буни енгиб ўтишни, ўйинлар натижасини ҳал қилишни ва парижлик мухлислар қалбини забт этишни истаса, Килианга хизмат қилишга мажбур.

Менда шундай таассурот уйғоняптики, Месси ўйинни ўзига олмоқчи, бироқ, ўйинни Лео эмас, Килиан бошқаради», – деди Пети.