Corriere dello Sport нашрининг хабар беришича, Туриннинг "Ювентус" клуби раҳбарияти ёзги трансфер мавсумида жамоани сезилари равишда кучайтира оладиган ҳаридларни амалга ошириш ниятида.
Маълумотларга қараганда, туринликлар бош мураббийи Антонио Конте янги ўйинчилар учун раҳбариятдан 80 миллион евро миқдорида пул олади. Қолаверса, жамоада ўз ўрнини топа олмаган бир қатор футболчилар, жумладан Милош Красич, Эльеро Элиа ҳамда Фелипе Мелолар трансферга қўйилади. Уларнинг трансферидан тушган пул ҳам янги ўйинчиларни олиб келишга сарфланиши кўзда тутилган.
Эслатиб ўтамиз, "Ювентус"нинг ёзги трансфер мавсумидаги асосий мўлжаллари "Реал" ҳужумчиси Гонсало Игуаин ҳамда "Манчестер Сити" форварди Эдин Джеко бўлиб турибди.
