«Милан» келаси ёзда «Тоттенхэм» вингери Стивен Бергвейнни сотиб олиши мумкин. Calciomercato нашри хабарига кўра, голландиялик футболчи «шпорлар» бош мураббийи Антонио Контенинг режаларига киритилмаган, шу боис у мавсум охирида жамоани тарк этиши мумкин.
Жамоалар ўртасидаги музокаралар ҳали бошланмади, бироқ Бергвейн «Милан»нинг ёзги мавсумдаги асосий мақсадларидан бири бўлиб турибди. Сабаби, голландиялик нарх ва сифат жиҳатидан Италия клубига маъқул бўлган.
Эслатиб ўтамиз, Бергвейн 2020 йилнинг қишида Голландиянинг ПСВ жамоасидан «Тоттенхэм»га ўтган эди. Антонио Конте бошчилигида футболчи асосий таркибда бор-йўғи иккита учрашув ўтказди.
