«Фулҳэм» яримҳимоячиси Клинт Дэмпси «Челси»га қарши Англия Премьер-лигаси 33-тур учрашувидан сўнг ўз фикрлари билан ўртоқлашди. Бу ҳақда «France-Presse» хабар бермоқда.
Учрашув 1:1 ҳисобидаги дуранг натижа билан якунига етди. Учрашувнинг 45-дақиқасида «Челси» яримҳимоячиси Фрэнк Лэмпард пенальтидан ҳисобни очган бўлса, 82-дақиқада Дэмспи ҳисобни тенглаштиришга муваффақ бўлди.
«Ўз имкониятимдан фойдалана олганимдан жуда ҳам бахтиёрман. Менинг ҳаракатларим самара берди. Энг асосийси ҳам шу аслида», - деди америкалик футболчи.
«Бу гол клуб билан янги шартнома имзолашга ёрдам берадими? Мен ҳозир бор эътиборимни футболга қаратганман. Бошқа нарсалар ҳақида ўйлаётганим йўқ. Шартнома ҳақида эса мавсум якунига етганидан сўнг ҳам бош қотирса бўлади», - дея қўшимча қилди «Фулҳэм» яримҳимоячиси Клинт Дэмпси.