"Тоттенхэм" ярим ҳимоячиси Родриго Бентанкур Лондон клубига ўтиши ҳақида гапирди. Футболчи АПЛ ҳақида икки нафар ҳамюртларидан жуда қимматли маслаҳатлар олган.

"Мен терма жамоада ўйнаб, "Тоттенхэм"га ўтиш билан боғлиқ вазиятимни кузатдим. Луис Суарес менинг Премьер-лигада ўйнашим эҳтимоли борлигини билиши биланоқ, дарҳол менга керакли маълумотларни берди. Суарес бу мен учун ажойиб ҳаракат бўлишини ва бу менга ҳам профессионал, ҳам шахсан ёрдам беришини айтди. Агар менга бирор нарса керак бўлса, у менга ёрдам беришга тайёр эди.

Бунда Эдинсон Кавани ҳам иштирок этди. У менга рақиб бўлишига қарамай, бу трансфер ҳақида сўрадим. Унинг айтишича, бу қизиқарли лига, бу менга катта фойда келтиради.

Иккаласи ҳам бу фантастик лига эканлигини айтишди. Бу менинг фаолиятимдаги катта қадам бўлишини билардим. Премьер-лига ҳақида маълумот олиш жуда муҳим эди. Бу мен иккиланмасдан қабул қилган қарорим эди", - дейди Бентанкур.