«Эвертон» бош мураббийи Франк Лэмпард жамоаси АПЛда жон сақлаб қолиш учун курашаётганини тан олди. Айни дамда «ирислар» Премьер-лига турнир жадвалида атиги 16-ўринни эгаллаб турибди.
«Менимча, бу мантиқий, шундай эмасми? Жадвалга қараб, бизнинг позициямизга қарши чиқиш аҳмоқликдир. «Эвертон» жон сақлаб қолиш учун курашмоқда, ҳозирги ҳолат айнан шундай. Биз вазиятни яхшилаш устида ишлаяпмиз. «Лидс»ни мағлуб этганимизда, вазият янада қизғин кўринарди. Энди ҳаммаси ўзгарди ва биз яна катта босим остидамиз. Барқарорлик керак», - дейди мураббий.
Эслатиб ўтамиз, кеча, «Эвертон» сафарда «Саутгемптон»га мағлуб бўлганди.
