"Барселона" ҳамда "Манчестер Сити" клубларининг собиқ ҳужумчиси Серхио Агуэро Аргентинанинг Жаҳон чемпионатини ютиш имкониятлари ҳақида фикр билдирди. У шундай дейди:
"Мен айни дамда жамоа билан эмасман. Лекин Аргентина Коп Америка чемпиони бўлганида, мен йигитларда кучли ишонч кўргандим. Ўйлашимча, бош мураббий Скалони аллақачон жамоани яхши ўйнатиш йўлларини ўрганиб олган. Бу эса қисқа вақтда кучли жамоа шакллантиришга ёрдам беради. Жаҳон чемпионати учта гуруҳ ўйини ҳамда плей-оффлардан иборат бўлади. Скалонида бу борада тажриба бор. Чунки у мундиалларда футболчи ҳамда ёрдамчи мураббий сифатида иштирок этган".
Аввалроқ Агуэронинг Аргентина МТЖга мураббий сифатида жалб этилиши ҳақида хабар қилинган эди.
