20 февраль, якшанба куни Милан шаҳридаги «Жузеппе Меацца» стадионида «Интер» клуби Италия А сериясининг 26-тури доирасида «Сассуоло»ни қабул қилди. Мазкур ўйинда меҳмонлар 2:0 ҳисобида ғалаба қозонишди.
«Сассуоло» жорий мавсумда Италиянинг гранд клублари — «Интер», «Милан» ва «Ювентус»га қарши сафардаги ўйинларда ғалаба қозониб, 66 йил аввал қайд этилган натижани такрорлади. Мавсум-1955/1956да «Фиорентина» ушбу етакчи жамоаларни мағлуб этишга муваффақ бўлганди.
«Сассуоло» ушбу ноёб натижага қарамай, А сериянинг жорий мавсумида 33 очко билан жадвалда 11-поғонани эгаллаб турибди.