Туриннинг «Ювентус» клуби ёзги трансфер ойнасида кимларни ўз сафига қўшиб олиш борасида бир қарорга келган. «Кекса синьора» жамоанинг ўрта чизиғини кучайтиришни мақсад қилган.
Calciomercato нашри хабарига кўра, Италия грандининг қисқа рўйхатидан икки нафар таниқли футболчи бор. Туринликларнинг биринчи мақсади «Манчестер Юнайтед» ярим ҳимоячиси Поль Погба. «Ювентус» учун иккинчи устувор вазифа «Рома» вингери Николо Дзаньоло.
Погба «кекса синьора»га текинга ўтиши мумкин, чунки унинг шартномаси ёзда тугайди. Дзаньолонинг трансфер нархи эса 30 миллион еврога баҳоланмоқда.
Жорий мавсумда «Юве» ички чемпионатда Чемпионлар лигаси учун курашмоқда. 26 турдан кейин жамоа тўртинчи ўринни эгаллаб турибди
