«ПСЖ» Килиан Мбаппенинг якуний қарорини мавсум якунига қадар кутмоқчи эмас. Париж клуби раҳбарияти миш-мишлардан чарчаган. Парижликлар раҳбарияти Мбаппега келажаги ҳақида қарор қабул қилиш учун бир ойдан камроқ вақт берди.
Испания матбуотининг ёзишича, Мбаппе март ойининг ўрталаридан кечиктирмай жавоб бериши керак. Агар футболчи яна аниқ қарорини айтмаса, у ҳолда «ПСЖ» тўпурар билан шартномани узайтириш бўйича музокаралардан воз кечади.
Эслатиб ўтамиз, «ПСЖ» Мбаппега ҳафтасига 1,2 миллион евро маош билан икки йиллик шартнома таклиф қилмоқда.
