Болгарияда бокс бўйича "Странжа" турнирига старт берилди. Бу “Golden Belt” туркумидаги биринчи мусобақа ҳисобланади ва боксчилар ушбу турнирда янги рейтинг очколарини ҳам қўлга киритишлари мумкин бўлади. Ушбу мусобақа 20-27 февраль кунлари София шаҳридаги "Sofia Hall" аренасида бўлиб ўтади
Кундузги дастур жанглари Тошкент вақти билан соат 17:00 да, кечки дастур эса 21:00 да бошланиши режалаштирилган.
Бугун кун давомида беш нафар ўзбекистонлик боксчи рингга кўтарилиши белгиланган эди. Аммо, ҳамюртимиз Ҳасанбой Дўстматов муддатидан олдин кейинги босқичга йўл олди. Сабаби, унинг рақиби номаълум сабабларга кўра рингга чиқмаган.
