"Арсенал" ва "Монако" клубларининг собиқ бош мураббийи Арсен Венгер "ПСЖ"да спорт директори лавозимини эгаллайди, деб хабар беради "Footmercato" нашри.
Манба берган хабарга кўра, Париж клуби раҳбарияти "ПСЖ"нинг амалдаги спорт директори Леонардонинг ишидан норози ва унинг ўрнини эгаллаши мумкин бўлган вариантларини кўриб чиқмоқда.
Қайд этилишича, Франция футбол федерацияси ихтиёрида бразилиялик фунционерга нисбатан текширув бошлашга ундаши мумкин бўлган маълумотлар мавжуд. Венгер - унинг ўрнига асосий номзод.
Эслатиб ўтамиз, Арсен Венгер 1996 йилдан 2018 йилгача Лондоннинг "Арсенал" клубини бошқарган. Ҳозирда 72 ёшли франциялик мутахассис ФИФАда иш олиб бормоқда.
