Ҳужумчи Килиан Мбаппе ҳамон келажаги ҳақида бир қарорга келмаган. RMC Sport хабарига кўра, "ПСЖ" унга икки йиллик шартнома таклиф қилмоқда.
23 ёшли франциялик футболчига "Реал"дан ҳам таклиф бор. Шу билан бирга, Мадрид клуби ҳужумчини текинга олишига ишончи комил ва мавсум охирида унинг трансферини эълон қилишни режалаштирмоқда.
Мбаппенинг ўзи ўйлашда давом этмоқда. Манба берган хабарга кўра, футболчини масаланинг молиявий томони қизиқтирмайди. Унинг учун асосий жиҳат - бу клубнинг амбицияси ва рақобатбардошлиги.
Мбаппе жорий мавсумда "ПСЖ" сафида 33 ўйинда 22 гол урди ва 16 голга ассистентлик қилди. Унинг клуб билан шартномаси 2022 йилнинг 30 июнига қадар мўлжалланган.
