Германиянинг "Шальке" клуби бош мураббийи Хуб Стевенс, жамоа ҳужумчиси Раулнинг мавсум якунига етгач ҳеч қаерга кетмаслигига ишономоқда.
Мураббийнинг фикрича, афсонавий ҳужумчи "Шальке" таркибида яна бир мавсум тўп суришга рози экан.
"Ўйлайманки Раул бизнинг янги шартнома борасидаги таклифмизни рад этмайди. У "Шальке" учун қандай муҳим футболчи эканлигини яхши билади. Қолаверса биз ҳам унинг шу ерда қолишидан манфаатдормиз", -дейди "Шальке" бош мураббийи.
"Сўнгги пайтларда у билан боғлиқ жуда кўплаб миш-мишларни эшитмоқдаман. Унинг агенти Хинес Карвахаль унга Қатардан жуда яхши таклифлар бўлаётганини яширмади. Аммо, ўйлайманки, Раул "Шальке"ни араб шайхларининг миллионларига алишмайди. У бундай футболчилар сирасига кирмайди". Стевенснинг сўзларидан парча келтимроқда бир қатор немис ОАВ.
