«Тоттенхэм» ҳужумчиси Харри Кейн жамоа бош мураббийи Антонио Конте клубни тарк этса, у ҳам жамоадан кетиши мумкин.
«The Express» нашрининг таъкидлашича, инглиз ҳужумчиси италияликнинг клубдаги фаолиятидан тўлиқ қониқиш ҳосил қилмоқда, бироқ яқинда «Бёрнли»га 0:1 ҳисобида мағлуб бўлганидан сўнг Конте атрофида унинг истеъфоси ҳақида хабарлар тарқалиб қолди. Бу эса Кейннинг фикрини ўзгартириши мумкин.
ОАВ хабарларига кўра, «Манчестер Сити» Харрини қўлга киритиш учун асосий даъвогар ҳисобланади. Кейннинг «шпорлар» билан шартномаси 2024 йилнинг ёзига қадар мўлжалланган.
