«Tottenxem» hujumchisi Xarri Keyn jamoa bosh murabbiyi Antonio Konte klubni tark etsa, u ham jamoadan ketishi mumkin.

«The Express» nashrining ta’kidlashicha, ingliz hujumchisi italiyalikning klubdagi faoliyatidan to‘liq qoniqish hosil qilmoqda, biroq yaqinda «Byornli»ga 0:1 hisobida mag‘lub bo‘lganidan so‘ng Konte atrofida uning iste’fosi haqida xabarlar tarqalib qoldi. Bu esa Keynning fikrini o‘zgartirishi mumkin.

OAV xabarlariga ko‘ra, «Manchester Siti» Xarrini qo‘lga kiritish uchun asosiy da’vogar hisoblanadi. Keynning «shporlar» bilan shartnomasi 2024 yilning yoziga qadar mo‘ljallangan.