Мадрид клуби ёзгача 25 ёшли футболчининг шартномаси 2023 йилнинг июнигача давом этадими ёки йўқлигини билмоқчи. Агар испаниялик футболчи кетишга қарор қилса, "Реал" футболчисини текинга йўқотмаслик учун уни кейинги ёзда сотади.

Асенсио "Реал"да қолишни истайди, лекин маошини оширишни сўрамоқда. Мадридликлар эса футболчига ҳозиргидек маош билан 4 йиллик шартнома таклиф қилмоқда - йилига 4,5 миллион евро. Мақсадларга эришиш учун яна 1,5 миллион евро бонус сифатида тақдим этилади.

Футболчининг вакиллари Англияда унга йилига 7 миллион евролик шартнома таклиф қилишаётганини айтишмоқда. "Реал Мадрид" Асенсиога бундай маош бермоқчи эмас.

Маркога "Ювентус", "Бавария", "Боруссия Дортмунд" ва бир қанча инглиз клубларидан таклифлар бор, улар унга "Реал"дан юқори маош таклиф қилмоқда.

Агар Асенсио кетишга қарор қилса, мадридликлар унинг учун тахминан 50 миллион евро сўрашади.

Жорий мавсумда ярим ҳимоячи “Реал” сафида барча турнирлар доирасида 28 та ўйинда майдонга тушиб, 9 та гол уришга эришди.