Ҳурматли мухлислар!
Сайтимизда янги ва кенг қамровли лойиҳани ишга туширишга қарор қилдик. Энди Европанинг топ-клублари ва Ўзбекистон Олий лигасида қатнашаётган клубларнинг блогларини очиш арафасида турибмиз.
Шунингдек, сайтимиз администраторлари томондан ЕВРО-2012 ва ОЛИМПИАДА-2012 блоги ишга туширилади ва бу юксак нуфузли халқаро спорт анжуманларига оид маълумотлар билан бойитилиб борилади.
Блогларда мавзуга оид мақола, интервью, фотосуратлар ва видеоларни жойлаштиришингиз мумкин бўлади. Албатта, ҳар доимгидек, жойлаштирилган материаллар остида мавзу юзасидан фикрлашилади.
Клубларга оид блоглар, юқорида таъкидлаб ўтилганидек, сайтимиз фойдаланувчиларига топширилади ва улар орасидан ушбу блогни виждонан доимий юритишни истаган юзерлардан ўзига хос "заявка" қабул қилинади.
Ўзингиз ҳақингиздаги маълумотлар ва айнан қайси клуб блогини юритишингиз ҳақида shokirjonov@gmail.com электрон манзилига хат юборишингиз талаб этилади.
Блоглар ўша клуб номига очилади ва блогни юритиш учун блоггерга бошқарув панелининг ҳавола (ссылка)си, логини ва пароли тақдим этилади. (Дарвоқе, блогларни ўз ҳаммаслакларингиз билан биргаликда ҳам юритишингиз мумкин. Сайт администраторлари ҳам бу борада сизларга кўмаклашиб юборишади).
Ҳозирча очилиши мўлжалланаётган блоглар қуйидагилардан иборат:
Англия: "МЮ", "М.СИТИ", "АРСЕНАЛ", "ЛИВЕРПУЛЬ", "ЧЕЛСИ" ва бошқалар;
Италия: "ЮВЕНТУС", "МИЛАН", "ИНТЕР", "РОМА" ва бошқалар;
Испания: "РЕАЛ МАДРИД", "БАРСЕЛОНА" ва бошқалар;
Германия: "БАВАРИЯ" ва бошқалар;
Россия: "ЗЕНИТ", "СПАРТАК", ЦСКА ва бошқалар;
Ўзбекистон: "БУНЁДКОР", "ПАХТАКОР", "НАСАФ", "НЕФТЧИ", "ДИНАМО", "АНДИЖОН", "НАВБАҲОР", "БУХОРО" ва бошқалар;
Сайтимиз ривожига ўз ҳиссасини қўшиш истагида бўлган футбол ихлосмандларини ҳамкорликка чорлаб қоламиз!
STADION.UZ таҳририяти.
