Кеча Болгариянинг София шаҳрида "кичик жаҳон чемпионати" сифатида эътироф этиладиган "Странжа" халқаро турнири якунланди.
Мусобақада Ўзбекистон терма жамоаси 6 та олтин, 1 та бронза медалини қўлга киритиб, умумжамоа ҳисобида биринчи ўринни эгаллади.
Баҳсларда муваффақиятли қатнашган чарм қўлқоп усталаримиз бугун Истанбул орқали юртимизга қайтиб келишади.
Боксчиларимиз учадиган самолёт соат 02:00да (28 февралдан 1 мартга ўтар кечаси) юртимизга қўнади.
Спортчиларимизни кутиб олиш истагидан бўлган ОАВ вакиллари ва мухлисларимизни Ислом Каримов номидаги Тошкент халқаро аэропортига чорлаб қоламиз.