"Ливерпуль" сардори Стивен Жеррард Англия кубоги ярим финалида "Эвертон" билан учрашув остонасида кечинмалари билан ўртоқлашди.
"Англия чемпионатидаги ўрнимиздан ҳаммамизнинг кўнглимиз тўлмаяпти. Биз бу мавсум жуда омадсиз келганлигини яшира олмагандай, буни ҳам яшира олмаймиз. Бу фақат янги келганлар ёки алоҳида футболчилар эмас, барча футболчиларга тегишли.
Аммо, кубокларда фантастик ўйин кўрсатяпмиз. Ҳозир бизнинг олдимизда охирги тўсиқ турибди - ўтсак, ушбу масумда иккинчи кубок финалига йўл оламиз. Иккита кубокни қўлга киритиш, ушбу мавсумнинг омадсизликларини ювиб кетади", - дея Жеррарднинг сўзларини келтиради Sky Sports.
