Ярим ҳимоячи Жесси Лингард "Манчестер Юнайтед"ни тарк этишга қарор қилди. Инсайдер Фабрицио Романонинг ёзишича, ёзда у жамоани эркин агент сифатида тарк этади.
29 ёшли футболчининг “Манчестер Юнайтед” билан шартномаси 2022 йилнинг 30 июнига қадар мўлжалланган. Transfermarkt портали англиялик футболчини 20 миллион еврога баҳоламоқда.
Қишда Премьер-лиганинг бир қатор клублари футболчига даъво қилишди, аммо "Манчестер Юнайтед" раҳбарияти бош мураббий Ральф Рангникнинг таклифига кўра, футболчи билан хайрлашмасликка қарор қилди.
Ярим ҳимоячи жорий мавсум “Манчестер Юнайтед” сафида барча турнирлар доирасида 18 та ўйинда майдонга тушиб, 2 та гол ва 1 та голли узатмани амалга оширди.
