Yarim himoyachi Jessi Lingard "Manchester Yunayted"ni tark etishga qaror qildi. Insayder Fabrisio Romanoning yozishicha, yozda u jamoani erkin agent sifatida tark etadi.
29 yoshli futbolchining “Manchester Yunayted” bilan shartnomasi 2022 yilning 30 iyuniga qadar mo‘ljallangan. Transfermarkt portali angliyalik futbolchini 20 million yevroga baholamoqda.
Qishda Premyer-liganing bir qator klublari futbolchiga da’vo qilishdi, ammo "Manchester Yunayted" rahbariyati bosh murabbiy Ralf Rangnikning taklifiga ko‘ra, futbolchi bilan xayrlashmaslikka qaror qildi.
Yarim himoyachi joriy mavsum “Manchester Yunayted” safida barcha turnirlar doirasida 18 ta o‘yinda maydonga tushib, 2 ta gol va 1 ta golli uzatmani amalga oshirdi.
