"Манчестер Сити" устози Пеп Гвардиола Англия кубоги ўйини олдидан жамоаси ҳақида маълумот берди. У шундай дейди:
"Бизда ҳаммаси жойида. Биргина Зак Стеффен ҳали машғулотларга тўлиқ қайтмади. Бу борада биз эртага қарор қабул қиламиз. Зинченкога келсак, у жуда ҳам яхши. Унга имкон берамиз. Бу ўйин у учун кўп нарсани исбот қилишга ёрдам беради. Рақибимиз ким бўлишидан қатъий назар, ўйин финалга тенг бўлади. Тайёргарлигимиз яхши ва кейинги босқич учун боримизни бериб ҳаракат қиламиз".
Эслатиб ўтамиз, бугун "шаҳарликлар" Чемпионшипнинг "Питерборо" клубига қарши майдонга чиқади.
