Англия кубоги ярим финали олдидан "Ливерпуль" ҳужумчиси Луис Суарес журналистларга интервью берар экан, финалга чиқиш учун барчасига тайёр эканини, ҳатто яна қўли билан ўйнашдан ҳам қайтмаслигини айтиб ўтди.
Эсингизда бўлса, ЖЧ чорак финалида, Ганага қарши ўйиннинг 120-дақиқасида ўз дарвозасига кириб кетаётган тўпни Суарес қўли билан қайтариб қолганди. Оқибатда, мағлубиятдан қутулиб қолган Уругвай терма жамоаси пенальтилар сериясида ғалаба қозонганди.
"Мен ўшанда терма жамоамнинг ярим финалга чиқиши учун ўзимни қурбон қилгандим" - деди Суарес, - "бугун ҳам Англия кубоги финалига чиқишни жуда истайман ва агар шундай вазият бугун ҳам такрорланса, ўйлаб ўтирмасдан қўлимни чўзаман. "Ливерпуль"нинг ютуқлари мен учун энг муҳими, лекин ўйлайманки, иш бу даражага етиб бормайди"
