"Уэмбли" стадионида Англия Кубогининг биринчи ярим финал учрашуви бўлиб ўтди. Ливерпуль дербисида иродали ғалабага эришган Далглиш шогирдлари ушбу мавсумдаги иккинчи финалда майдонга тушадиган бўлдилар. Аслида ўйин "Эвертон"учун омадли бошланган, ҳатто Каррагернинг хатосидан фойдаланган хорватиялик ҳужумчи Елавич ҳисобни очганди. Аммо иккинчи таймда "Ливерпуль" вазиятни ўз томонига оғдира олди. 

Айтиш мумкинки, иккинчи таймда томонларнинг тўлиқ устунлигида ўтмади. Голлар ҳам "Ливерпуль"га кўпроқ эпизодлар орқали тақдим этилди. Аввалига, ҳимоячи Дистен дарвозабонга тўпни нотўғри оширди, натижада тўпни Суарес эгаллаб олиб ҳисобни тенглаштирди. 

Иккинчи гол эса, стандарт вазиятдан сўнг киритилди. Жерардга қарши ўнг қанотда ўйин қоидаси бузилди. Жарима зарбасидан етказиб берилган тўпни эса, Кэррол боши билан дарвозага йўллади - 2:1.

Эслатиб ўтамиз, иккинчи жуфтлик эртага майдонга тушади. "Уэмбли"да "Тоттенҳэм" ва "Челси" жамоалари иккинчи финалчи номини анқилайдилар.   

ЛИВЕРПУЛЬ - ЭВЕРТОН - 2:1

Голлар: Елавич (24), Суарес (62), Кэрролл (87).

ЛИВЕРПУЛЬ: Жонс, Каррагер, Шкртел, Аггер, Жонсон, Спиринг, Хендерсон (М. Родригес, 75), Жеррард, Даунинг (Беллами, 84), Суарес, Кэрролл.

ЭВЕРТОН: Ховард, Невилл, Хейтинга, Дистен, Бейнс (Аничебе, 88), Д. Гибсон, Кэйхилл, Феллайни, Осман, Елавич, Гейе (Коулмэн, 68).

Огоҳлантиришлар: Дистен (37), Шкртел (59), Елавич (59), Хендерсон (74), Коулмэн (79).