"Интер" бош мураббийи Симоне Индзаги Италия кубоги ярим финалидан ўрин олган "Милан"га қарши биринчи ўйиндаги (0:0) дурангдан кейин ўз фикрларини билдириб ўтди.
"Менимча, бу дерби қолган иккитасига қараганда зерикарлироқ бўлди, чунки иккала жамоа ҳам натижани хавф остига қўйишни истамади. Биз яна бир ғалабани қўлга киритиб, финалга чиқишни истаймиз. Устунликни қайтариб олишимиз керак, бунинг устида ишлаяпмиз.
Ҳимоядаги хатомиз туфайли Ханданович сейв кўрсатди. "Милан"нинг бошқа имкониятларини эслай олмайман", - дея Индзаги сўзларидан иқтибос келтиради Football Italia.