"Манчестер Сити" бош мураббийи Роберто Манчини ўз шогирди Марио Балотелли олдига қўяётган талаблари ҳақида сўзлаб берди.
"Агар Марио жамоамизда қолишни истаса, ўз ахлоқини тузатиши ва ишга бўлган муносабатини ўзгартириши керак. Мен у билан бу ҳақида кўп маротаба гаплашдим".
"Ҳа, Балотелли жуда истеъдодли футболчи. Бироқ у ишга бўлган бундай муносабати билан ўз иқтидорини намойиш эта олмаслиги мумкин", — дея унинг сўзларидан AP иқтибос келтиради.
Эслатиб ўтамиз, аввалроқ Манчини Балотеллининг трансферга қўйилиш эҳтимоли ҳам йўқ эмаслиги ҳақида айтиб ўтганди. Бироқ ўшанда футболчининг агенти бу гаплар ўринсиз эканлигини айтган.
