Париждаги "Стад де Франц" ўйингоҳида Франция лига кубоги финал учрашуви бўлиб ўтди. Ўйиннинг асосий вақтида ҳисоб очилмагач, ҳакам томонидан қўшимда таймлар белгиланди. Айнан қўшимча вақтда янги куч сифатида майдонда чиқарилган Брандао оқибатда ҳал қилувчи гол муаллифига айланди. 

Шундай қилиб, "Марсель" Франция лигаси кубоги соҳибига айланди ва қайсидир маънода мавсумни "қутқариб қолди". Сабаби, ушбу соврин келаси йили Европа Лигасида қатнашиш ҳуқуқини беради. Лигада эса, марселликларнинг иши умуман юришмаяпти. 

ЛИОН - МАРСЕЛЬ - 0:1

Гол: Брандао (105).

ЛИОН: Льорис, Ревейер, Умтити, Ловрен, Дабо (А. Сиссоко, 118), Чельстрем (Лакасетт, 106), Гоналон, Бастос (Гренье, 66), Бриан, Гомис, Лисандро.

МАРСЕЛЬ: Манданда, Аспиликуэта, Мбиа, Нкулу, Фанни, Амальфитано, Шейру, Вальбуэна (Морель, 118), А. Диарра (Каборе, 81), А. Айю, Реми (Брандао, 98).

Огоҳлантиришлар: А. Диарра (16), Бриан (25), Мбиа (51), Ловрен (55), Гомис (92), Реми (93), Нкулу (119), Лакасетт (120).

Четлатиш: Ловрен (119).