Тошкентдаги ТТЙМИ стадионида бўлиб ўтган “Локомотив” ва “Нефтчи” жамоалари ўртасидаги 4-турнинг сўнгги учрашуви дуранг натижа билан поёнига етди.
Учрашувнинг 11-дақиқасида “Локомотив” таркибида дебт учрашувини ўтказаётгапн Жора Оганесян жарима зарбасини аниқ амалга ошириб жамоасини ҳисобда олдинга олиб чиқди. Ушбу вазиятда аввалига Максим Казанков зарба берган, бироқ “Нефтчи” футболчилари жонли деворни тарк этганлари боис, ҳакам зарбани қайтадан ижро этишга кўрсатма берганди.
Биринчи бўлимда иккала жамоа ҳам ҳарчанд уринишмасин дарвозаларга бошқа тўп киритилмади.
Иккинчи бўлимда ўйини қовушмаётган "Нефтчи" жамоаси таркибида бир қатор ўзгаришлар кузатилди. 87-дақиқада "Нефтчи" мураббийлари Анвар Бердиевни майдонга туширишга қарор қилди. Айнан унинг майдонга тушиши жамоа ҳужумини кескин равишда кучайтириб юборди. Ўйиннинг 89-дақиқасига келиб ҳакам пеналти белгилади. Бу вазиятда Садриддин Абдуллаев жарима майдончасига кириб бораётган Анвар Бердиевни чалиб йиқитганди. Жаримадан жабрланувчининг ўзи аниқ фойдаланди ва ҳисобни тенглаштирди. Ушбу натижа ўйин сўнггига қдар ўзгармай қолди ва иккала жамоаларнинг ўзаро ўйинлари тарихида илк марта дуранг натижа қайд этилди.
ЎзПФЛ. 4-тур
ЛОКОМОТИВ – НЕФТЧИ 1:1 (1:0)
ТТЙМИ стадиони. 5086 томошабин.
Голлар: Жора Оганесян (11) – Анвар Бердиев (89-пен).
ЛОКОМОТИВ: 1. Павел Бугало, 3. Ислом Иномов, 6. Дилшод Раҳматуллаев, 8. Максим Казанков, 9. Зайниддин Тожиев (4. Тимур Айзатулов, 84), 10. Жора Оганесян (11. Александр Шадрин, 72), 13. Рустам Аъзамов, 14. Ромик Хачатрян, 15. Муҳаммад Бинди Мустафо (7. Садриддин Абдуллаев, 54), 20. Ислом Тўхтахўжаев, 23. Бобурбек Йўлдошев.
НЕФТЧИ: 12. Элдор Исабоев, 3. Шукурали Пўлатов, 4. Ойбек Нурбоев, 5. Шавкат Насибуллаев, 6. Бахтиёржон Ёқубов, 7. Мансур Саидов, 8. Азиз Алижонов, 11. Отабек Исроилов (23. Мухсин Низомиддинов, 90+3), 15. Дилёрбек Эрматов (10. Анвар Бердиев, 87), 17. Сардор Мирзаев (20. Сардорбек Соибов, 78), 22. Иқболжон Акромов.
Огоҳлантиришлар: Рустам Аъзамов (37), Ромик Хачатрян (64), Зайниддин Тожиев (74), Садриддин Абдуллаев (89) – Шукурали Пўлатов (10), Отабек Исроилов (45+1), Мансур Саидов (64).
Ҳакамлар: В. Коваленко (Тошкент), М. Саидқосимов (Тошкент), Р. Ильясов (Тошкент), Д. Пислегин (Тошкент).
Назоратчи ҳакам: И. Нехочин (Наманган).
Энг яхши ўйинчилар: Ислом Тўхтахўжаев – Мансур Саидов.