Таниқли журналист, спорт шарҳловчиси Даврон Файзиев ўз Telegram саҳифасида Суперлига 1-туридан ўрин олган "Навбаҳор" - "Насаф" (0:0) ўйини ҳақида фикр билдирди.
"Суперлига бошланди, супер афиша билан. Трансферлар бозорини ёндирган "Навбаҳор' ва энг ёқимли ўйинга эга "Насаф". Тўлиб тошган стадион, байрамона атмосфера, терма жамоага номзод футболчилар, Хайрулла аканинг чиқишлари, ҳаммаси зўр бошланди. Ўйин ҳам анча савияли бўлди. Юқори темп ва жанг. Агар шу иккита фактор бўлмаса 3:3 ҳам зерикарли туюлади. Бу вазиятда эса ноллар билан тугаган учрашувни охиригача томоша қилиш қизиқарли бўлди. Муҳими давомийлик. Чемпионат охиригача шундай ўтсин, темп тушиб кетмасин, барча стадионларда. "Навбаҳор" таркиби анча қудратли кўринди. Айниқса Болтабоев учун ҳурсандман, яна қайта кашф этилади деб умид қиламиз. Бугун чемпионликка даъвогар топ тўртликдан 3 тасини кўрдик. Тўртинчиси ким дейсизми? Яна озгина кузатайликчи, алоҳида тўхталамиз", - деб ёзди Файзиев.