«Атлетико Мадрид» юлдузи ва дунёнинг энг яхши дарвозабонларидан бири фаолиятидаги энг муваффақиятсиз мавсумини ўтказмоқда.

Ла Лигада доирасида «Атлетико» дарвозасига йўлланган ҳар иккинчи зарбадан бири голга айланмоқда. 29 ёшли словениялик рақиблари зарбаларининг атиги 52,5 фоизини қайтарган (61 тадан 33 таси). Бу мавсумда барқарор ўйин кўрсатаётган топ-5 лигадаги барча дарвозабонлар орасида энг паст кўрсаткичдир.

Қизиғи шундаки, ўтган мавсумда Облак бу кўрсаткич бўйича Европанинг энг яхши посбонларидан бирига айланганди. У ўшанда 80% зарбаларни қайтаришга эришган ва фақат «Реал» кипери Тибо Куртуа ва «ПСЖ» посбони Кейлор Навасдан ортда қолган.