"Барселона" яримҳимоячиси Андрес Иньеста чемпионлар лигаси ярим финалида "Челси"га қарши бўлиб ўтадиган дастлабки ўйин ҳақида фикр билдирди.
"Биз "Стэмфорд Бриж" майдонига фақат ғалаба учун тушамиз. Ўйинда хато қилишдан эҳтиёт бўлишимиз керак, бу босқичда хатолар жуда қимматга тушиши мумкин. Биз ҳар доим ғалаба учун ўйнаймиз, лекин бу баҳс икки ўйиндан иборатлигини унутмаслик керак. Бизни "Челси" билан жуда қаттиқ ўйин кутиб турибди.
Лондонликлар бизнинг энг охирги ўзаро учрашувимиздан кейин анча тажриба оширганлар. Клуб Фернандо Торрес ва Хуан Маталарни қўшиб олган, улар жуда яхши футболчилар. "Челси" жуда кучли ва хавфли рақиб, айниқса ўз майдонида", - дея Иньестанинг сўзларини келтиради Goal.com.
