«ПСЖ» 2017 йилда «Монако»дан ҳужумчи Килиан Мбаппени харид қилар экан, ўртадаги шартномага бир банд киритилишига рози бўлганди: кейинчалик футболчи билан шартнома узайтирилса, парижликлар "Монако"га яна 35 миллион евро тўлаб беришлари керак.

"Le Parisien" хабарига кўра, "Пари Сен-Жермен" 23 ёшли футболчи билан янги шартнома имзолашни истамоқда, шу билан биргаликда, 35 миллион евро тўлаш мажбуриятидан қочиб қолмоқчи. Бунга эришиш учун парижликлар Мбаппе билан июль ойида шартнома имзоламоқчи (агар футболчи рози бўлса). Бунда клуб Килиан билан шартномани узайтирган ҳисобланмайди. Боиси, унинг амалдаги шартномаси 30 июнь куни якунига етади.

Мбаппе Франция чемпионатининг жорий мавсумида 24та ўйинда иштирок этиб, 14 гол ва 10 ассист муаллифига айланди.