«Манчестер Сити» бош мураббийи Хосеп Гвардиола чемпионлик пойгасида «Ливерпул»ни мағлубиятга учратиш учун ўзининг энг юқори стандартларини бажариши кераклигини таъкидлади.
«Мен талабчанман, лекин футболчиларимнинг имкониятларини биламан. "Манчестер Юнайтед"га қарши ўйиннинг иккинчи бўлимида биз ўзимизнинг энг яхши даражамизни кўрсатмадик. Бу жамоа учун асосийси - ҳар доим энг яхши рақиблар билан тўқнаш келишга тайёр бўлиш. «Ливерпуль» - ҳаётимда дуч келадиган энг яхши рақиб" - деди Гвардиола Sky Sport билан суҳбатда.
