Лондоннинг «Челси» клуби бош мураббийи Томас Тухель клуб тарихидаги энг қиммат футболчини захирага ўтказишга тайёр.
Немис мутахассиси жорий мавсум якунига қадар Англия Премьер-лигасининг куни кеча бўлиб ўтган «Бёрнли»га (4:0) қарши баҳсда дубл қайд этган ҳамюрти Кай Хаверцни асосий таркибда ўйнатишга қарор қилган. Бу ҳақда Evening Standard нашри хабар бермоқда.
Манбага кўра, Тухел Лукакудан унумли фойдаланишни ноўрин деб ҳисоблайди, чунки у керакли самарани кўрсатмайди ва жамоадошлари билан ўйнай олмайди.
Ромелу Лукаку 2021 йилнинг августида «Интер» жамоасидан «Челси»га кўчиб ўтганди. Ушбу трансфер Лондон клубига 113 миллион еврога тушган.
Жорий мавсумда 28 ёшли ҳужумчи барча мусобақаларда 30 та ўйинда майдонга тушиб, 11 та гол уришга муваффақ бўлди.