Londonning «Chelsi» klubi bosh murabbiyi Tomas Tuxel klub tarixidagi eng qimmat futbolchini zaxiraga o‘tkazishga tayyor.

Nemis mutaxassisi joriy mavsum yakuniga qadar Angliya Premyer-ligasining kuni kecha bo‘lib o‘tgan «Byornli»ga (4:0) qarshi bahsda dubl qayd etgan hamyurti Kay Xaversni asosiy tarkibda o‘ynatishga qaror qilgan. Bu haqda Evening Standard nashri xabar bermoqda.

Manbaga ko‘ra, Tuxel Lukakudan unumli foydalanishni noo‘rin deb hisoblaydi, chunki u kerakli samarani ko‘rsatmaydi va jamoadoshlari bilan o‘ynay olmaydi.

Romelu Lukaku 2021 yilning avgustida «Inter» jamoasidan «Chelsi»ga ko‘chib o‘tgandi. Ushbu transfer London klubiga 113 million yevroga tushgan.

Joriy mavsumda 28 yoshli hujumchi barcha musobaqalarda 30 ta o‘yinda maydonga tushib, 11 ta gol urishga muvaffaq bo‘ldi.