"Барселона" президенти Жоан Лапорта Дортмунднинг "Боруссия" клуби ҳужумчиси Эрлинг Холандга қизиқиши ҳақидаги саволга жавоб бермади.
“Мен футболчилар ҳақида гапира олмайман. Акс ҳолда, нарх дарҳол осмонга кўтарилади. Клуб раҳбарияти бош мураббий жамоада кимни кўришни истаётганини билади", - дея Лапорта сўзларидан иқтибос келтиради Marca.
Жорий мавсумда Холанд “Боруссия” сафида 20 та ўйинда майдонга тушиб, 23 та гол урди ва 5 та голли узатмани амалга оширди. Ҳужумчининг Дортмунд клуби билан шартномаси 2023 йилнинг 30 июнига қадар мўлжалланган.
Transfermarkt.com портали 21 ёшли норвегиялик футболчининг нархини 150 миллион еврога баҳоламоқда.
