"Барселона" ярим ҳимоячиси Серхи Роберто фаолиятини Англияда давом эттириши мумкин, деб хабар беради Mundo Deportivo.
Манбанинг хабарига кўра, 30 ёшли испаниялик футболчи АПЛ клубларидан бирига ўтмоқчи. Қайд этилишича, ярим ҳимоячига "Арсенал" қизиқиш билдирмоқда.
Жорий мавсумда Роберто барча турнирларда 12 та ўйинда майдонга тушиб, 2 та гол урди ва 1 та голли узатмани амалга оширди. Унинг каталонияликлар билан амалдаги шартномаси 2022 йилнинг 30 июнида тугайди.