"Барселона" бош мураббийи Хави ўзига таниш ўйин услубини сингдириб, янги эски "Барса"ни қурмоқда ва бундай шароитда жамоада Мартин Брейтвейт каби қаҳрамонларга ўрин йўқ.
У ҳатто "Эльче" билан ўйин учун қайдномага ҳам киритилмаган ва даниялик буни "жуда аниқ ишора" сифатида қабул қилган. Энди 30 ёшли футболчи ўз келажагини жиддий ўйлаб кўришга ҳаракат қилмоқда ва ёзда "Барселона"ни тарк этиш ҳақида ўйламоқда, деб хабар беради Diario Sport.