"Барселона"нинг афсонавий ҳимоячиси Карлес Пуйоль ҳар доим ўзининг клуб қадриятларига содиқлигини таъкидлаб келган. Аммо Карлеснинг эслашича, "Реал Мадрид" скаутларининг вақти-вақти билан уни таъқиб қилишига тўсқинлик қилмаган. Биринчи уриниш 2001 йилда, Луиш Фигу хоинлик билан "Барселона"ни тарк этганидан бир йил ўтиб содир бўлган.
"Улар мени икки марта жамоасига таклиф қилишди. Биринчи марта Фигу кетганидан бир йил ўтгач. Мен уларга аллақачон дунёнинг энг яхши жамоасида ўйнашимни айтдим. Кейин, 2004 йилда Камачо "Реал Мадрид" бошқарувига ўтирганида, у нафақат мени, балки Роналдинони ҳам "Реал"га таклиф қилмоқчи эди", - деди Пуйоль TV3 телеканалига берган интервьюсида.
