"Торино" ҳужумчиси Андреа Белоттининг шартномаси шу ёзда якунига етади ва 28 ёшли футболчига бир қанча клублар қизиқиш билдиришмоқда.
Фаворитлардан бири ҳужумчининг болаликдаги севимли клуби - "Милан".
Calciomercato хабарига кўра, Белотти кейинги ёзда ўзининг карераси ҳақида қарор қабул қилмоқчи. Унга "Аталанта", "Фиорентина", "Наполи" ва "Рома" клублари ҳам қизиқиш билдирмоқда.
Жароҳатлар билан кечган жорий мавсумда Белотти 14 учрашувда атиги 4 та гол урди. Умуман олганда, ҳужумчи "Торино"даги фаолияти давомида 241 ўйинда 109 марта рақиблар дарвозасини ишғол қилган.
