«Лилль» футболчиси Ренату Санчешга «Милан» клуби қизиқиш билдирмоқда. Манбага кўра, «россонерилар» португалиялик футболчини Франк Кессьега ўринбосар сифатида кўрмоқда.
Италиялик мухбир Даниэле Лонгонинг хабар қилишича, клуб Ренату билан шахсий шартнома шартларини келишиб олган, «Лилль» билан келишувнинг баъзи тафсилотларини ҳал қилиш қолади.
Илгари португалиялик футболчи «Бавария»да ўйнаган, бироқ у ерда футболчининг омади келмади. У 2019 йилда «Лилль»га кўчиб ўтган.