«ПСЖ» ҳужумчиси Килиан Мбаппе ирқчиликка дуч келган жамоадоши Идрис Гуйени қўллаб-қувватлади.
«ПСЖ» ярим ҳимоячиси Чемпионлар лигасининг «Реал»га қарши жавоб ўйини олдидан машғулотларда Мбаппе билан тўқнашиб кетди ва француз кичик жароҳат олди. Шундан сўнг, Гуйе ижтимоий тармоқларда ирқчиликка асосланган ҳақоратли сўзлар ола бошлади. Килиан сенегаллик футболчини қўллаб-қувватлашга қарор қилди ва ўзининг инстаграм саҳифасида «ПСЖ»да ҳамма бир хил, деган маънода Идрис билан тушган расмни жойлаштирди.
Эслатиб ўтамиз, «Реал» ва «ПСЖ» ўртасидаги жавоб учрашуви 9 март куни бўлиб ўтади. Дастлабки учрашувда парижликлар 1:0 ҳисобида минимал ҳисобда ғалаба қозонишган.
