«Манчестер Сити» бош мураббийи Хосеп Гвардиола Португалиянинг «Спортинг» клубига қарши 1/8 финал жавоб ўйини учун таркиб танлашдаги қийинчиликлар ҳақида гапирди.
«Бизда унчалик кўп ўйинчи йўқ – атиги 14 нафари баҳсга тайёр. Бу ўйиндан сўнг «Кристал Пэлас» ўйинига қадар тикланишимиз учун яна 5 кун борлигини биламан, лекин биз Натанни (Аке) майдонга тушира олмаймиз. Шифокор бу хавфли эканлигини айтди. Ҳа, биринчи ўйинда ақл бовар қилмайдиган натижага эришдик, аммо иш ҳали тугамаган, футбол олдиндан айтиб бўлмайдиган спорт тури. Пенальтилар бўлиши мумкин, рақиблар жуда сифатли ўйин кўрсатиш эҳтимоли бор... Нима бўлганда ҳам ғалаба қозониш учун қўлимиздан келганини қилишга ҳаракат қиламиз. Таркибимизда бор-йўғи учта ҳимоячи бор, шунинг учун заҳирадаги футболчилардан фойдаланишга мажбурмиз. Бугунги машғулотлардан кейин қарор қабул қиламиз», — дейди испан мутахассиси.
Маълумот ўрнида, дастлабки ўйинда «шаҳарликлар» Лиссабон клубини йирик 5:0 ҳисобида мағлуб этишди.