"Фламенго" ҳужумчиси Роналдиньо унинг жамоаси қандай қилиб Либертадорес кубогининг гуруҳ босқичидан чиқиб кетганини ҳалигача тушунмаётганлигини гапириб ўтди.
"Охирги ўйиндан кейин кўп футболчилар ечиниш хонасида йиғладилар. Бундай бўлганига ҳеч ким ишонмасди. Биз "Ланус"ни 3:0 ҳисобида ютдик, бошқа учрашувдаги дуранг бизни қаноатлантирар эди. Қўшиб берилган вақтда "Олимпия" ҳисобни тенглаштирди, аммо бир дқиқа ўтиб, "Эмелек" олдинга чиқиб олди...
Ўзимизнинг "Олимпия" билан кечган омадсиз ўйинимизни ҳам эсдан чиқариб бўлмайди: биз 3:0 ҳисобида олдинда эдик. Лекин қандайдир 12 дақиқа ичида учта гол ўтказиб юбордик. Буни қандай тушунтиришни ҳам билмаймиз. Ўзим ҳам нима бўлганини тушунмай қолдим.
Биз бутун ўйинни ўз назоратимизда ушладик, бу бизнинг шу йилдаги энг яхши ўйинимиз эди, оқибатда эса ўйин биз учун хунук тугади. !2 дақиқа ичида нималар бўлганини тушунтириб беришнинг ҳеч иложи йўқ" - дея Роналдиньонинг сўзларини келтиради globoesporte.globo.com.
